TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kristiano Ronaldo i rrëfyer nga ata që e njohën kur ishte ende i ri. Ish-shoku i skuadrës në fjalë është rumuni Marius Niculae, i cili ishte te Sporting Lisbona dhe që përshkruan Ronaldo si një të ri të destinuar për një të ardhme të shkëlqyer.
Duke folur për Digi Sport Special, ish-sulmuesi, i cili gjithashtu grumbulloi 43 paraqitje dhe 15 gola për kombëtaren e tij, dha një përshkrim të Ronaldos që tregon se portugezi tashmë kishte prioritete të përcaktuara mirë. Por edhe kjo shpjegon se si etika e tij e punës e ka bërë atë të mos bëjë shumë miq…
“Kristiano nuk ishte një person i shoqërueshëm. Ne gjithmonë përpiqeshim që ta bindnim të vinte dhe të hante në tryezë me ne, por ai ishte gjithmonë në botën e tij”.
Në fund të fundit, disiplina personale e Kristiano Ronaldos është mjaft e njohur për të gjithë dhe shpesh kjo nevojë për të funksionuar e kanë çuar atë në një lloj izolimi.
Siç shpjegon Niculae, ishte e vështirë ta shihje atë të anashkalonte stërvitjet e tij personale. “Ai shkonte vetë në palestër. Ndonjëherë kur mbaronim stërvitjen shkonim të gjithë për të ngrënë, por ai nuk vinte kurrë.”
Për ish-shokun e skuadrës, CR7 ka gabuar që ia dha atë intervistë Piers Morgan. Dhe gjithë kaosi që pasoi mund t’i ketë krijuar probleme edhe në kombëtare. “Mendoj se grupi nuk e pranoi aq mirë. Pepe është i vetmi me të cilin ndjehet rehat, kam parë disa foto dhe Bruno Fernandes e ka shmangur pak”.
Diçka që të gjithë nxituan ta mohonin, por që gjithsesi shkaktoi disa probleme dhe kampionati botëror për portugezët shkoi siç shkoi. Dhe tani, çfarë do të bëhet me Kristiano Ronaldon?
Përgjigja e Niculae është e qartë. “Unë mendoj se ai do të zgjedhë Al Nassr ose Shtetet e Bashkuara. Dhe më pas, nga ajo që kam lexuar, mendoj se ai dëshiron t’i përkushtohet kinemasë dhe Hollivudit”. Vendi i duhur… për një yll si ai!
