TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Lamin Jamal nuk ka asnjë dëmtim serioz. Pas komunikatës së Federatës Spanjolle të Futbollit, dje ka qenë klubi i tij Barcelona që ka kryer testet mjekësore me sulmuesin, ku ka përjashtuar një dëmtim të tij.
Barcelona konfirmoi se ai ka vetëm një mbingarkesë në kofshën e majtë. Ajo që deklarata e klubit nuk specifikon është kohëzgjatja e kohës që lojtari do të jetë jashtë, pasi do të përcaktohet nga evolucioni i dëmtimit. Megjithatë, nuk do të jetë shumë e gjatë dhe gjëja normale është se ai do të jetë në gjendje të luajë në “El Clasico”-n e parë të sezonit më 26 tetor në “Bernabeu”.
Në varësi se si do të ecë rikuperimi i tij, mbetet për t’u parë prania në fushë e 17-vjeçarit në ndeshjen e kësaj fundjave në La Liga kundër Seviljes. Me shumë gjasa, si masë paraprake, lojtari do të pushojë këtë ndeshje për të qenë në gjendje të mirë për ndeshjen e Champions League të mërkurën, më 23 tetor kundër Bajernit të Mynihut dhe më pas në përballjen e madhe kundër Realit të Madridit.
Kujtojmë se Jamal u dëmtua në ndeshjen që Spanja zhvilloi kundër Danimarkës të shtunën e kaluar dhe që përfundoi me fitoren 1-0 të kampionëve të Europës.
