TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një shqiptar ka shkaktuar panik në qytetin e Barcelonës teksa ka sulmuar me thikë dy persona. Mësohet se shqiptari është i moshës 30 vjeç dhe me fytyrë të mbuluar e i veshur krejtësisht me të zeza ka marrë thikën dhe ka qëlluar një tunizian dhe një tjetër nga Venezuela.
Të dy të plagosurit janë të pastrehë dhe flinin në rrethin e Nou Barris, në Barcelonë,
Shqiptari, identiteti i të cilit nuk bëhet me dije, i ka kryer sulmet në ditë të veçanta teksa të lënduarit flinin.
Sulmi i parë
Mbrëmjen e 23 korrikut shqiptari iu afrua një burri të pastrehë tunizian 42 vjeçar me thikë në dorë me të cilën e goditi në bark. I veshur me të zeza dhe me fytyrë të mbuluar, shqiptari e goditi sërish tunizianin duke bërë që ky i fundit të ulërinte. Para se të mbërrinte policia, autori ishte larguar. Fatmirësisht i plagosuri arriti të mbijetonte.
Sulmi i dytë
Në të njëjtën mënyrë dhe me të njëjtin maskim, 30-vjeçari nga Shqipëria u afrua mëngjesin e 9 gushtit tek një burrë nga Venezuela, 39 vjeçar, i cili flinte në rrugën afër qendrës strehimore.
Në këtë rast, agresori u përpoq ta qëllonte në pjesën e zemrës por nuk arriti qëllimin. I sulmuari u mbrojt dhe në ndihmë i erdhi edhe një dëshmitar që thirri policinë.
hqiptari u arratis duke e lënë venezuelianin me plagë në krahë dhe këmbë.
Dy të plagosurit kanë përfunduar në spital ku ndodhen jashtë rrezikut për jetën.
Mënyra e maskimit të shqiptarit bëri që policia lokale ta identifikonte atë. 30-vjeçari u arrestua dhe do të dalë sot para drejtësisë.
