TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pandemia e koronavirusit është përhapur në të gjithë botën. Kina, vendi i “origjinës” numëron tani me gishtat e dorës të infektuarit e rinj, ndërsa epiqendra është vendosur në Europë.
Në rang global kanë humbur jetën deri më tani 12,944 persona dhe të infektuar janë rreth 300 mijë të tjerë, por 91,954 persona kanë fituar betejën me koronavirusin. Në Europë, Italia ngelet një nga vendet më të prekura, dhe numri i personave që po humbin jetën rritet ndjeshëm çdo ditë. Deri më tani në Itali kanë humbur jetën 4,825 persona, ndërsa numri i të infektuarve nuk po njeh limit duke arritur shifrën e 42.681 personave.
Në Greqi deri më tani kanë humbur jetën 6 persona dhe në Francë ka 450 viktima. Bilanc të rëndë ka dhe Spanja me Britaninë e madhe. Ndërkohë që pandemia po përhapet me shpejtësi marramendëse edhe në Amerikë ku kanë humbur jetën më shumë se 320 persona.
Të infektuar ka edhe në Serbi, Kosovë, Mal të Zi, Maqedoni e Veriut, Gjermani dhe në shumë vende të Europës. Ndërsa në Shqipëri 76 persona janë infektuar me COVID-19 dhe 2 prej tyre ka humbur jetën.
Shumë prej vendeve kanë mbyllur tërësisht kufijtë për të shmangur përhapej e mëtejshme të kësaj pandemie globale.
