TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Duket e pabesueshme, por kryeministri Edi Rama jo vetëm po krenohet me Rrugën e Kombit, të cilën dikur e quante Rruga e Askundit, por edhe po hiqet sikur e ka ndërtuar vetë. Ai postoi një video nga kjo rrugë.
Menjëherë reagoi drejtori i kabinetit në Partinë Demokratike, Dorjan Teliti.
“Thesi i gënjeshtrave dhe premtimeve të pambajtura të Edi Ramës qenka shpuar aq keq sa pagesën nga 5 deri 22.5 eurosh ER e shet që në pikë të mëngjesit si arritje të qeverisë”, shkruan Teliti në rrjetet sociale.
Postimi i plotë:
Aq pak rrugë ka ndërtuar qeveria e Rilindjes sa sot ER është detyruar të prezantojë si punë të vetën rrugën e Kombit, një nga veprat më të mëdha të ndërtuar ndonjëherë në Shqipëri, meritë e padiskutueshme e qeverisë së demokratëve.
Thesi i gënjeshtrave dhe premtimeve të pambajtura të Edi Ramës qënka shpuar aq keq sa pagesën nga 5 deri 22.5 eurosh ER e shet që në pikë të mëngjesit si arritje të qeverisë.
Fakt është që vetëm gjatë vitit të parë të operimit, trau në rrugën e Kombit ka mbledhur rreth 20 milion euro nga xhepat e shqiptarëve, ndërkohë që gjatë vitit aktual ka marrë 11 milionë euro subvencionim nga buxheti i shtetit për mungesë trafiku.
ER nuk po investon në rrugë. Ai vetëm po vjel para me skema korruptive nga rrugët që i gjeti të ndërtuara.
Qeveria e Partisë Demokratike e drejtuar nga Lulzim Basha do ta anullojë konçesionin e rrugës së Kombit dhe do të çlirojë shqiptarët nga të dy anët e kufirit nga kjo tarifë e padrejtë.
