Ronaldo takon “bosin”, dedikim special për të

Kristiano Ronaldo u rikthye në “Old Trafford” mbrëmjen e djeshme pas shumë vitesh. Ishte pikërisht stadiumi ku Ronaldo u prezantua në futbollin e madh, por nuk mund të ishte rritur ndoshta kaq shumë nëse nuk do të kishte pasur një “mësues” si Sër Aleks Ferguson, të cilin Ronaldo tani e konsideron “bos”. Nuk kishte si të mungonte mbrëmjen e djeshme tekniku legjendar i “djajve të kuq” në një ndeshje të madhe, sidomos që tani i ka lënë pas krahëve problemet shëndetësore që kishte. Ronaldo duket se nuk harron dhe nuk ka munguar një dedikim special, pasi e ka takuar dje në ambientet e stadiumi. “Një trajner i mirë dhe mbi të gjitha një njeri i mrekullueshëm. Mësova shumë gjëra brenda dhe jashtë fushës. Është e mrekullueshme të të shoh në formë të mirë, Bos”, shkruan Ronaldo në profilin e tij në “twitter”. Një dedikim special për një njeri të madh, i cili për Ronaldon mbetet më shumë se një trajner.

A great coach and above all a wonderful man. Taught me so many things inside and outside the pitch. Great to see you in good shape, Boss! pic.twitter.com/Ql4dcuJvCW

— Cristiano Ronaldo (@Cristiano) October 24, 2018