TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Qindra udhëtarë rezultojnë të zhdukur, mes tyre të paktën 291 turistë të huaj, pas një përmbytjeje të menjëhershme në kufirin mes Nepalit dhe Tibetit.
Të paktën 31 persona kanë humbur jetën në Nepal. Sipas bordit të turizmit të vendit, në listën paraprake të personave të zhdukur janë më shumë se 100 shtetas indianë dhe 12 shtetas britanikë.
Mediat shtetërore kineze po raportojnë gjithashtu për “një numër të madh viktimash” në Tibet, i cili kontrollohet nga Kina.
Video të verifikuara nga Nepali tregojnë një urë që merret përpara nga rrjedha e fuqishme e ujit, si dhe ndërtesa shumëkatëshe që shemben nga forca e përmbytjeve.
Pamje të tjera tregojnë shtëpi pjesërisht të zhytura pasi ujërat e turbullta dhe të mbushura me baltë përfshinë distriktin Nuwakot të Nepalit.
Ministri i Jashtëm i Nepalit ka deklaruar se, sipas raportimeve paraprake, fatkeqësia mund të jetë shkaktuar nga një tërmet që ka nxitur një ortek, i cili më pas ka sjellë përmbytjet e menjëhershme.
