TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Disa orë para protestës së paralajmëruar nga opozita për tu mbajtur pranë Kryeministrisë, ka reaguar edhe ambasada e Shteteve të Bashkuara të Amerikës.
Me anë të një deklarate për mediet, SHBA i bën thirrje personaleit të Ambasadës, që të evitojnë kalimin në zonat ku mund të protestohet, duke pasur parasysh se herët e kaluara është përdorur ujë dhe gaz lotsjellës për të shpërndarë protestuesit.
Mes tjerash ambasada thekson se kohëzgjatja e demonstratës është e panjohur, ashtu si edhe zona që është e pacaktuar, përveç pikave si Kryeministria dhe Kuvendi i Shqipërisë. Në njoftim thuhet se një pjesë e qytetarëve shqiptarë protestojnë kundër qeverisë.
“Pikat e mundshme të grumbullimit të protestuesve në Tiranë janë: Godina e Kryeministrisë, Godina e Parlamentit, godina të tjera qeveritare. Një demonstratë pritet të zhvillohet pranë godinës së Kryeministrisë më 13 prill, 2019, duke nisur nga ora 6 e pasdites. Grupi synon të protestojë kundër qeverisë shqiptare. Kohëzgjatja e demonstratës së pritshme është e panjohur. Forcat e sigurisë kanë përdorur ujë me presion dhe gaz lotsjellës gjatë protestave të fundit.
Personeli i Ambasadës amerikane dhe familjarët e tyre udhëzohen që të shmangin të gjitha pikat e mundshme të grumbullimit, ku zhvillohen apo pritet të zhvillohen demonstratat. Shmangni grumbullimet e mëdha dhe çdo zonë ku zhvillohen, apo mund të zhvillohen demonstrate. Tregoni kujdes për situatën përreth. Ndiqni informacionet e fundit të mediave vendase. Ruani profil të ulët”-thuhet në reagim.
