TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Partia Demokratike ka reaguar, përplasjes së policisë me naftëtarët e Ballshit para ministrisë së Infrastrukturës dhe Energjetikës.
Në reagimin e saj PD-ja shkruan se naftëtarët kanë të drejtën e tyre të protestojnë dhe të kërkojnë pagat e prapambetura, policia nuk mund të përdoret kundër tyre.
Ndër të tjera në reagimin e saj selia blu shkruan se qeveria duhet të dëgjojë zërin e naftëtarëve dhe t’u zgjidhë problemin pa vonesa dhe mashtrime të tjera.
Deklarata e plotë:
Policia e Shtetit nuk duhet të përdoret kundër qytetarëve. Naftëtarët janë në të drejtën e tyre për të kërkuar pagat e prapambetura dhe vijimin e punës. Qytetarët nuk mund të shfrytëzohen, të mos paguhen dhe, në vend të zgjidhjes, të dhunohen nga Policia. Kjo është e turpshme!
Edi Rama nuk duhet të fshihet pas punonjësve të Policisë! Ai duhet të mbajë premtimet që u ka dhënë naftëtarëve. Të autorizojë Belinda Ballukun që të presë përfaqësinë e naftëtarëve!
Qeveria duhet të dëgjojë zërin e naftëtarëve dhe t’u zgjidhë problemin pa vonesa dhe mashtrime të tjera.
Policia e Shtetit nuk duhet të jetë përballë qytetarëve, por përballë atyre që e vjedhur Rafinerinë e Ballshit.
Lexo edhe:
https://www.tpz.al/2020/09/17/foto-lajm-tensionet-gjate-protestes-shikoni-momentet-e-perplasjes-aktivistja-perqafohet-me-protestuesin-per-te-ndaluar-arrestimin-nga-policia/
