TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shkëlzen Berisha dhe Taulant Balla u përballën sot në gjykatën e Krimeve të Rënda, pas padisë që ka bërë ndaj deputetit socialist, djali i ish kryeministrit Sali Berisha, për shpifje të kryer botërisht.
Shkelzeni u thirr pak javë më parë nga Gjykata për t’u pyetur për çështjen e famshme të CEZ-it. Fillimisht ishte kreu i grupit parlamentar të PS-së Taulant Balla ai që e dha lajmin se Shkëlzen Berisha ishte thirrur për të dëshmuar e më pas e pranoi edhe vetë ai.
Ndërkohë ai deklaroi në rrjetet sociale se nuk kishte lidhje me privatizimin e OSHEE-së dhe se kishte ngritur një padi ndaj Taulant Ballës.
Por sot Gjykata e Krimeve të Rënda shpalli moskompetence për cështjen, me argumentimin se akuza “shpifje e kryer botërisht”, ështe kompetencë për gjykim tek Gjykata e Tiranes, ndërsa deputeti vete gjykohet tek Krimet e Renda.
Deri sa te krijohet SPAK-u, në këto kushte, funksionin për të tillë situate e ka Gjykata e Lartë.
Edhe palët ranë dakord me vendimin e Gjykatës së Krimeve te Renda dhe pritet në ditët në vijim të përballen ne Gjykatën e Lartë.
Por, çështja ishte një herë tek Gjykata e Lartë dhe kjo e fundit e dërgoi për moskompetencë tek Krimet e Rënda, ndërsa tani po përsëritet e njëjta histori.
