TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryebashkiaku Vangjush Dako është shprehur se nuk mund t’i thotë dot jo askujt që ofrohet për të kontribuuar në fitoren e tij në zgjedhje.
I ftuar në emisionin “Repolitix”, me gazetarin Denis Minga, Dako ka sqaruar afrimitetin e tij me Avdylajt.
“Ndoshta ju keni mugesën e përvojave nëpër fushata. Në fushata vetëofrohen lloj lloj kategorie njerëzish, rrugeçërish që të kontribuojnë në fitoren. Në mirëpresin votën e kujtdo, të një qytetari të nderuar apo të atyre që kanë pasur problem me ligjin.
Ka pasur raste që kryebashkiakët kanë shkuar nëpër burgje për të kërkuar vota.
Ne nuk u themi dot jo, ne na vlen çdo lloj vote,”- është shprehur Dako ndër të tjera.
Kryebashkiaku Dako është i ftuar në emision për të sqaruar përgjimet e publikuara nga media gjermane Bild.
Dy ditë më parë, prestigjiozia gjermane “Bild” ka publikuar audiopërgjime të reja lidhur me të ashtuquajturën “Dosja 339/1″një nga çështjet, hetimi i të cilës bëri që PD ta ketë si çështje kryesore në betejën për rrëzimin e qeverisë.Në përgjime dëgjohet Astrit Abdylaj, i cili përfshihet vetë në fushatën elektorale të PS.
Avdyli kërkon që miku i tij, Elton Arbana të jetë pjesë e listës së deputetëve në Durrës, dhe vë në dukje mbështetjen që familja Avdyli ka për deputetin Ilir Ndraxhi. Në bisedat e publikuara Astrit Avdyli zotohet se rezultati i Partisë Socialiste në Durrës do të jetë spektakolar.
