TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një ditë pas zgjedhjes së Skënder Gjinushit në krye të Akademisë së Shkencave të Shqipërisë, ky i fundit ka zhvilluar një takim privat me kryeministrin e vendit Edi Rama.
Siç shihet edhe në foto, Rama dhe Gjinushi janë ulur në një kafe në kryeqytet dhe po bisedojnë. Skënder Gjinushi, ish-ministër i Arsimit u zgjodh dje në krye të Akademisë së Shkencave me 35 vota pro dhe 6 kundër.
Para nisjes së procesit të numërimit, kreu i ri i Akademisë së Shkencave, Skënder Gjinushi, prezantoi edhe platformën e tij për këtë institucion, ndërsa tha se duhen reforma të thella në të gjitha drejtimet, veçanërisht në fushën e kërkimit shkencor.
Këtë proces e ka kundërshtuar akademiku, Artan Fuga, i cili tha se dje ishte një ditë e zezë për fushën e shkencës në Shqipëri. Ai pohoi se këto zgjedhje janë farsë dhe nuk do të pranojë rezultatin, pasi sipas tij, ky proces është puç institucional që i bëhet Akademisë së Shkencave.
