TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Nuk do ti njoh ndryshimet e njëanshme të Kushtetutës”.
Kështu e mbylli fjalën e sotme para mediave Ilir Meta.
Presidenti foli për marrëveshjen e 5 qershorit të arritur mes palëve politike në vend. Por sipas presidentit, lëvizja e mëpasshme e Ramës për të ndaluar koalicionet parazgjedhore e zerojnë këtë marrëveshje të arritur.
Meta u shpreh se të gjithë aktorët politikë, vendas dhe ndërkombëtarë janë kundër Ramës dhe lëvizjes së tij.
"Shënoj si arritje të këshillit politik marrëveshjen e 5 qershorit edhe për ecurinë e procesit të integrimit në BE. Kjo marrëveshje u mbështet fort nga përfaqësuesit e komunitetit ndërkombëtar në Tiranë dhe u përshëndet nga sekretari i Shtetit, Mike Pompeo, Komisioneri Joseph Barel dhe komisionari i Zgjerimit, i Oliver Varhelyi.
Përfshirja dhe konsensusi i arritur do të konsideroheshin si suksese.
Por iniciativa e mazhorancës për ta ndryshuar e prish në mënyrë të njëanshme marrëveshjen e 5 qershorit e zeron këtë marrëveshje dhe do të dëmtonte edhe kredibilitetin e ministrit të Jashtëm njëherësh kryeministër dhe si drejtuesi i OSBE.
Propozimi për ndryshimet kushtetuese zeron përpjekjet. Palët t’i qëndrojnë marrëveshjes, kur për këtë janë investuar edhe SHBA, Britania dhe BE-ja.
Këto ndryshime të njëanshme janë në kundërshtim me komisionin e Venecias.
Ndryshime të sistemit duhet të nisin një vit para zgjedhjeve.
Këtë qëndrim e ka mbajtur edhe zyra e OSBE-së që ka thënë se është shumë vonë’" tha presidenti Ilir Meta gjatë deklaratës për mediat.
