TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ditën e mërkurë dhe të enjten, vranësirat do të zhvendosen dhe do zëvendësohen me rrezet e diellit dhe motin e ngrohtë, ka lajmëruar Instituti Hidrometeorologjik i Kosovës.
Me shtrëngimin e masave për lirinë e lëvizjes, qytetarëve u mbetet vetëm një orë e gjysmë në ditë që të dalin dhe të kryejnë obligimet e tyre. Pjesa më e madhe, natyrisht ata që jetojnë në shtëpi, do ta kalojnë në oborre duke shijuar rrezet pranverore.
Mirëpo, Instituti Kombëtar i Shëndetit Publik u ka bërë thirrje qytetarëve të mos qëndrojnë në grumbuj qoftë edhe në oborret e shtëpive, shkruan Reporteri.net
“Edhe kur dilni në orët e përcaktuara të lëvizjes, ju lutemi të respektoni masat e distancimit fizik dhe të mos qëndroni në grumbuj qoftë edhe në oborret e shtëpive tuaja apo para hapësirave tregtare dhe sporteleve, që të mos rrezikoni veten dhe familjet tuaja”, thuhet në apelin e IKSHPK-së.
Kujtojmë se numri i të infektuarve me coronavirus në Kosovë ka shkuar në 387, 66 persona janë shëruar gjersa 9 kanë vdekur. IKSHPK ende nuk ka bërë të ditur për rezultatet e testimeve që janë bërë sot.
