TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ditën e sotme Sekretari Amerikan i Shtetit, Mike Pompeo në një deklaratë për mediat u tha gazetarëve se “do të ketë një tranzicion të qetë nga administrata e parë në një të dytë Trump.”
“Pas deklaratës Pompeo dha një buzëqeshje të lehtë, kështu që është e vështirë të kuptohet nëse ishte duke bërë thjeshtë shaka”, shkruan “The Guardian”.
“Ne jemi gati”, vazhdoi Pompeo. “Bota po e shikon se çfarë po ndodh. Ne do të numërojmë të gjitha votat. Kur procesi të ketë përfunduar, do të zgjidhen zgjedhës. Ekziston një proces, kushtetuta e përcakton shumë qartë.”
Pompeo tha se ai po merrte “thirrje nga e gjithë bota”, por nuk tha nga kush. Udhëheqësit e aleatëve kryesorë të Amerikës tashmë e kanë uruar presidentin e zgjedhur Biden, por ka edhe përjashtime si Vladimir Putin që deri tani kanë heshtur.
“Ata e kuptojnë që ne kemi një proces ligjor. Ata e kuptojnë që kjo kërkon kohë”, tha sekretari i shtetit, duke krahasuar situatën tani me zgjedhjet e vitit 2000.
Në vitin 2000, George W Bush ishte duke udhëhequr me 537 vota në Florida, kur Gjykata e Lartë ndërhyri për të ndaluar numërimin e votave. Biden është përpara me dhjetëra mijëra vota në katër shtete.
“Ne duhet të llogarisim çdo votë ligjore, ne duam të sigurohemi që çdo votë që nuk ishte e ligjshme nuk duhet të llogaritet. Duhet ta kuptojme mirë. Kur ta kuptojmë si duhet, do ta kuptojmë si duhet. Jemi në gjendje të mirë”, tha Pompeo.
