TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas marrjes së rekomandimit të Komisionit Europian për çeljen e negociata të anëtarësimit, presidenti Ilir Meta, ka pritur në një takim Ambasadoren e Delegacionit të BE-së në Tiranë, Romana Vlahutin.
Duke e cilësuar këtë një akt inkurajues, të shumëpritur dhe strategjik, Meta ka shprehur vlerësimin e tij për Komisionin Europian si një mik të pakursyer për vendet kandidate.
Më tej, Meta theksoi rëndësinë që ka miratimi i kësaj qasjeje dhe rekomandimit të Komisionit nga Këshilli Evropian i qershorit, për të nisur etapën e re të procesit të negociatave të anëtarësimit.
Ndërkohë, shprehu kënaqësinë që ky raport i gjen aktorët politikë, institucionalë dhe qytetarët shqiptarë të bashkuar në dëshirën për të përparuar sa më shumë dhe sa më parë drejt BE-së, pa mëdyshje.
Po ashtu, shtoi më tej se marrja e rekomandimit për hapjen e negociatave për anëtarësim do t’i shërbejë një reflektimi të thellë dhe serioz për përballjen e sfidave të mëdha që kemi përpara, për ta bërë Shqipërinë një vend evropian më shpresëdhënës.
