Urimi i parë për rekomandimin për çeljen e negociatave të vendit tonë me Bashkimin Europian e ka dhënë eurodeputeti Knut Fleckenstein.
Raportuesi i Shqipërisë në Parlamentin Europian shprehet se është shumë i lumtur dhe se ky është një hap i madh përpara për Shqipërinë.
“Urime! Jam shumë i lumtur. Një hap i madh përpara për Shqipërinë! Rekomandim i pakushtëzuar nga komisioni i BE-së për hapjen e negociatave. Shqipëria e meriton! Dhe tani ne llogarisim në Këshill që të bien dakord gjithashtu. #albania @Progressive” – shkruan Fleckenstein në Twitter.
