TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Trajnerit të kampionëve në fuqi të Europës, Liverpoolit, Jurgen Klopp i është kërkuar të zgjedhë më të mirin mes Lionel Messit dhe Cristiano Ronaldos, dy prej yjeve të futbollit botëror, që kanë fituar thuajse gjithçka në karrierën e tyre sportive.
Tekniku gjerman ka vlerësuar maksimalisht që të dy futbollistët, duke pranuar se është zgjedhje e vështirë, por në fund “peshorja i ka anuar” nga argjentinasi fitues 6 herë i çmimit prestigjoz për futbollistë, Topi i Artë.
“Skuadrat e mia kanë luajtur kundër të dyve dhe është një dhimbje koke të gjesh mënyrën për t’i ndalur, ndaj e kam gati-gati të pamundur të zgjedh më të mirin. Cristiano Ronaldo është një futbollist i kompletuar, shumë i fortë fizikisht dhe teknikisht, ndaj do të zgjidhja Messin ,që edhe pse ka të gjithë elementët e Ronaldos, arrin të jetë po aq vendimtar në fushën e lojës”, deklaroi tekniku gjerman.
Si Cristiano Ronaldo ashtu edhe Lionel Messi kanë dominuar arenën e futbollit botëror në mijëvjeçarin e tretë dhe kanë ndarë në dysh njerëzit, të cilët e kanë të vështirë të zgjedhin se cili prej tyre është më i miri.
