TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kërcënonte ish-të fejuarën, një italiane 29-vjeçare nga Mantova, për t’i marrë sa më shumë para. Karabinierët e Guastallës arrestuan 33-vjeçarin nga Polesine Parmense, që kishte mundur të përfitonte jo pak, por 5000 euro nga kërcënimet e tij.
"Më jepni paratë, përndryshe ajo që ju e dini ndodh, shqiptari vjen dhe ju dhe familjes suaj", i kishte thënë disa herë ai për të marrë paratë, shkruan portali italian Parmapress24.it.
E gjendur nën presion dhe kërcënime të vazhdueshme, vajza kishte filluar të merrte para fshehurazi nga prindërit, për të kënaqur ish-të fejuarin, derisa nuk kishte mundur merrte më.
Në këto kushte, ajo ia bëri të ditur shqetësimin prindërve, të cilët nga ana e tyre lajmëruan policinë.
Pas kërkesës së fundit për t’i dhënë 33-vjeçarit 300 euro, karabinierët i fotokopjuan paratë, ndërkohë që më pas vajza ia dha ish-të fejuarit në parkimin e një supermarketi.
Karabinierët ndërhynë në kohë dhe tashmë 33-vjeçari ndodhet në pranga.
/TPZ.AL/
