TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Maqedonia do të fillojë zyrtarisht bisedimet për anëtarësim në aleancën euroatlantike NATO, ndonëse nuk është vendosur ende çështja e emrit me Greqinë.
Mësohet se bisedimet do të fillojnë më 18 tetor, ndërsa ky hap vjen edhe pse referendumi i 30 shtatorit për ndryshimin e emrit të Maqedonisë – kusht i vënë nga Greqia për të mos e bllokuar rrugën e Shkupit drejt aleancës – nuk e ka kaluar pragun prej 50% për të qenë i vlefshëm.
Kujtojmë se ndonëse më pak se 50%, sërish mbi 90% e atyre që kanë dalë në referendum, kanë votuar për ndryshimin e emrit në Maqedoni e Veriut, marrëveshje kjo e arritur me Greqisë dhe Maqedonisë në Prespë në muajin qershor.
Bisedimet e pranimit zakonisht zgjasin rreth tre muaj përpara se të nënshkruhet një protokoll i pranimit, shkruan rel, ndërkohë pas kësaj protokolli duhet të ratifikohet nga të gjithë anëtarët e tjerë të NATO-s, proces ky që zgjat rreth një vit.
