TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Rihapet dosja për Masakrën e Peshkëpisë. Burime për Dosja.al bëjnë me dije se që prej orës 13:45, po merret në pyetje, kandidati i pavarur për bashkinë e Himarës, Fredi Bejleri.
Burimet bëjnë me dije se Bejleri po merret në pyetje në Prokurorinë e Krimeve të Rënda nga prokurori Eugen Beci.
Alfred (Fredi) Bejleri ishte njëri nga anëtarët e komandos ekstremistë grekë të masakrës së Peshkëpisë e ndodhur në 10 prill 1994 në Gjirokastër, ku edhe u vranë dy ushtarët shqiptarë, Arsen Gjini dhe Kapiteni i parë, Fatmir Shehu.
Bejleri ka qenë bashkë me komandot grekë kur u krye sulmi. Të tjerë ushtarakë shqiptarë u plagosën dhe u grabitën armë.
Ai u rikthye në Shqipëri për të marrë drejtimin e bashkisë së Himarës në zgjedhjet lokale të 2015 në siglën e PBDNJ por nuk ia doli.
Bejleri u rifshaq edhe në Bularat në ceremoninë e varrimit të minoritarit grek Konstandinos Kaçifas, bashkë me të akuzuar të tjerë për masakrën e Peshkëpisë.
Më 17 maj, KQZ i ndaloi presidentit të OMONIA-s Fredi Belerit (Dhionisios Alfred Petro Beleri) për Bashkinë e Himarës në zgjedhjet e 30 qershorit 2019.
Shkak për ndalimin e kandidimit ishte fakti që Bejleri ishte subjekt i ligjit të dekriminalizimit pasi ai rezulton i dënuar me burg dhe se ende nuk e ka përfunduar periudhën e ndalimit ose rehabilitimit.
Për ndalimin e kandidimit të tij ka reaguar edhe ministrja e Punëve të Jashtme greke, e cila është shprehur se po e ndjek rastin.
