TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Megjithëse kanë kaluar disa ditë nga përfundimi i Kupës së Amerikës, polemikat me gjyqtarët duket se do të vazhdojnë gjatë, sidomos pas deklaratave të dhëna nga Leo Mesi.
Ai akuzoi shumë gjyqtar për korrupsion, duke shtuar se e gjitha ajo, po bëhej për të ndihmuar Brazilin që të shpallej kampion.
Sakaq, të shumtë ishin futbollistët që dolën kundër kësaj deklarate të Mesit dhe së fundmi, ka reaguar edhe mbrojtësi Dani Alves.
Ish-shoku i skuadrës në kohën kur luanin te Barcelona, Alves u shpreh se ato deklarata janë mungesë respekti karshi Brazilit dhe jo vetëm.
“Në fillim është mungesë respekti ndaj Seleçaos, për mendimin tim. Më pas është mungesë respekti ndaj shumë profesionistëve të cilët me sakrificë po luftojnë për të realizuar ëndërr.
Jam një shok që i them gjëra në sy kur është e nevojshme dhe mendoj se këtë radhë, Mesi gaboi kur i tha ato gjëra”, u shpreh Alves që fitoi pak ditë më parë edhe trofeun e 40 në karrierën e tij.
