TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Liderët e partisë së Unionit Kristian Demokrat (CDU), të kancelares gjermane, Angela Merkel, janë shprehur se kanë rënë dakort për tu angazhuar për koalicionin e madh me Partinë Social Demokrate (SPD) të krahut të majtë, në përpjekje për përfundimin e krizës politike në Gjermani.
Daniel Guenther, lider rajonal i CDU-së, u tha mbrëmë gazetarëve se “ne synojmë që të kemi një qeveri efektive”.
Këto komente u bënë pas një takimi katër orësh të liderëve të CDU-së në Berlin, ndërsa ligjvënësit po shqyrtojnë mënyrat për të lëvizur përpara, pasi përpjekja për formimin e koalicionit me të gjelbërit dhe kristian demokratët e Merkel, gjatë javës së kaluar ka dështuar.
Dështimi në këto bisedime e ka vënë në pikëpyetje mandatin e katërt të mundshëm të njëpasnjëshëm të Merkel për kancelare të Gjermanisë.
Lideri i SPD-së, Martin Schulz, më parë ka thënë se partia e tij nuk do të hyjë për të tretën herë në koalicion të madh me CDU-në, pasi partitë aleate të SPD-së, nuk arritën rezultate të kënaqshme në zgjedhjet e 24 shtatorit.
Sipas hulumitmeve në mediat gjermane, 52% e gjermanëve e mbështesin formimin e koalicionit të madh.
