TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti socialist Erion Braçe ka ashpërsuar tonet ndaj KLGJ-së dhe KLP-së për përplasjen mbi pagat e magjistratëve. Duke folur në Komisionin për Ekonominë, Punësimin dhe Financat, Braçe tha se përfaqësuesit e dy institucioneve duhet të paraqiten para deputetëve dhe t’u kërkojnë ndjesë për, sipas tij, marrjen e një kompetence që Kushtetuta ia njeh Kuvendit.
Braçe argumentoi se vendimi i Gjykatës Kushtetuese nuk i ngarkon KLGJ-në dhe KLP-në të caktojnë pagat e gjyqtarëve dhe prokurorëve, por ia lë këtë detyrë Parlamentit. Për këtë arsye, ai e cilësoi aktin e dy institucioneve si pa bazë ligjore dhe madje “të kallëzueshëm”.
“Vendimi i Gjykatës Kushtetuese nuk i kërkon KLGJ-së dhe KLP-së të caktojë rrogën e prokurorëve dhe gjyqtarëve. I kërkon Parlamentit”, deklaroi Braçe.
Ai u ndal edhe te kallëzimet e bëra ndaj ministrit të Financave dhe drejtuesve të Thesarit për moszbatimin e kërkesave për pagat, duke i cilësuar veçanërisht ato ndaj administratës së Thesarit si të paprecedenta.
“Është një akt vetëgjyqësie i pandodhur në këtë vend”, tha Braçe.
