TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ne vijim te kontrolleve të shtuara nga Policia Rrugore për parandalimin e aksidenteve në rrugë policia ka arrestuar dy drejtues mjetesh të cilët drejtonin mjetet në gjendje të dehur. Njeri shofer autobusi me punetore dhe tjetri drejtues i nje mjeti furgon me pasagjere.
I arrestuari i parë drejtonte në gjendje të dehur në masën 0.89 mg/l, një autobuz me 30 punëtorë. Automjeti jashtë kushteve teknike.
I arrestuari i dytë drejtonte në gjendje të dehur në masën 0.88 mg/l, një mjet furgon, jashtë kushteve teknike.
Njoftimi i policise
Shërbimet e Policisë Rrugore Dibër, në zbatim të Planit të masave për parandalimin e aksidente rrugore, si rezultat i kontrolleve të shtuar për këtë qëllim në aksin rrugor Qafë-Bualli _ Peshkopi, kanë konstatuar shtetasit :
Enver Koçi, 49 vjeç, banues në Ostren të Madh Bulqizë, duke drejtuar në gjendje të dehur në masën 0.89mg/l, një autobuz me 30 punëtor. Ky shtetas drejtonte mjetin jashtë kushteve teknike dhe pa u paisur me leje drejtimi.
Kujtim Gjoni, 50 vjeç, banues në Tiranë, duke drejtuar automjetin furgon në gjendje të dehur në masën 0.88 mg/l. Ky shtetas drejtonte mjetin jashtë kushteve teknike.
Materialet hetimore do ti referohen Prokurorisë Dibër për veprën penale “Shkelje e rregullave të qarkullimit rrugor”.
Kontrollet do vijojnë në të gjithë Qarkun me qëllimin e vetëm respektimin e rregullave të qarkullimit rrugor duke kontribuar të gjithë në rritjen e parametrave të sigurisë së jetës në rrugë.
