TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas rrëzimit të listës së parë të kandidatëve jo gjyqtarë dhe jo prokurorë, për Këshillin e Lartë Gjyqësor dhe për Këshillin e Lartë të Prokurorisë, ditën e sotme është mbledhur nën komisioni ad hoc, për të hartuar listën e re.
Mbledhja është shoqëruar me debate të ashpra mes anëtarëve të opozitës dhe pozitës, ndërsa njëri prej kandidatëve, avokati i njohuri Saimir Visha është tërhequr nga gara.
Debatet
Ulsi Manja: Sipas ligjit ne duhet ta ribëjmë listën. Kemi detyrimin të përgatisim një listë të re nga e para për seancën plenare. Sekretari i Përgjithshëm ka sjellë një memo për Altin Hazizin. Saimir Visha ka hequr dorë nga kandidimi për Këshillin e Lartë Gjyqësor. Nuk do të jetë pjesë e shortit.
Letra e Saimir Vishës: Nuk dua të jem pjesë e një procesi pa dakordësi politike
PD, Bylykbashi: Lista që rrëzoi Kuvendi ishte e pa pranueshme, proces i korruptuar politikisht. Po e riktheni çorbën e prishur. Janë po këta kandidatë. Visha një nga kandidatët e paktë pa probleme largohet. I bën nder atij në këtë proces të korruptuar. Ministrja e Drejtësisë dhe Prokurorja e Përkohshme i bënë dhuratë Ramës dhe Tahirit, heqjen nga duart të dëshmitarit kyç të dosjes së Habilajve./TPZ.AL
