Jona Spahiu rrëfen me “turp” historinë e dashurisë: E kisha shumë të vështirë

Moderatorja e njohur, Jona Spahiu ishte dje e ftuar në emisionin e pasdites “Rudina”, ku krahas karrierës së saj foli për herë të parë edhe për jetën e saj personale. Jona e bëri publike lidhjen e saj të dashurisë gjatë pushimeve të verës, teksa postoi një foto së bashku me partnerin saj. Frenkli Ymeri, komentatori sportiv i “Supersport” është i dashuri i Jonës, me të cilin moderatorja po përjeton një dashuri të bukur. Jona u ndje në siklet në momentin që Rudina e pyeti në lidhje me partnerin e saj. “Oh, sa turp qenka”, tha me të qeshur, por pa e fshehur emocionin. Moderatorja simpatike rrëfeu se dhe ai punon në “Digitalb” dhe janë njohur në ambientet e punës.

“Ai është komentator sportiv në ‘Digitalb’ dhe aty nisi gjithçka. Ishim në departamente të ndryshme, por ishte mundësi e mirë që të takoheshim më shpesh”, rrëfeu Jona.

Për moderatoren kjo lidhje nuk ka qenë aspak e thjeshtë.

“Ta njihja në ambientin e punës ishte një pengesë për mua. E kisha shumë të vështirë të krijoja një raport të tillë në vendin ku punoja. Por jam e lumtur dhe sigurisht kjo lumturi ka emrin e dashurisë”, u shpreh Jona.

Moderatoja e ka të pamundur që ta fshehë lumturinë e saj dhe shprehet se kjo është një lidhje shumë e rëndësishme për të. “Është një lidhje shumë e rëndësishme për mua. Sa herë mundohem të mos flas, e kam të pamundur të mos e tregoj sa e lumtur jam. Është e kotë ta fshehësh lumturinë”, tha ajo dhe është e dukshme, i lexohet në sy. [gallery ids="66212,66211,66213,66215,66214"]