TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë Kombëtare dhe ish shefi i diplomacise serbe, Vuk Jeremiç thotë se presidenti serb Aleksandar Vuçiç u ka premtuar amerikanëve se Kosova do të bëhet pjesë e OKB-së, por se sipas tij, ai e ka problem mënyrën se si ta bëjë këtë.
Jeremiç tha se Vuçiç është pajtuar me kërkesën e amerikanëve për t’ia dorëzuar karrigen Kosovës në OKB.
“Amerikanët kërkojnë nga Vuçiç që të lejojë që Kosova të futet në OKB, madje ata i kanë bërë presion atij që të pranojë të nënshkruajë të ashtuquajturën marrëveshje për normalizimin gjithëpërfshirës të marrëdhënieve me Prishtinën. Rusia ka thënë se praktikisht nuk do ta bllokojë Kosovën në Këshillin e Sigurimit të OKB-së”, tha Jeremiç.
Jeremiç pretendon se Vuçiç u përpoq të ofronte shkëmbimin e territorit, mirëpo u refuzua, pasi që paraprakisht i kishte premtuar Kosovës që do të hynte në OKB./lajmi.net
