LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

AKTUALITET, 9 Prill 2020, 17:46

Jeni bllokuar në Greqi? Policia e shtetit fqinj tregon ç’duhet të bëni që të mos ndëshkoheni, dokumentet e nevojshme

TPZ
Jeni bllokuar në Greqi? Policia e shtetit fqinj tregon ç’duhet

Polica greke ka dhënë disa sqarime për të gjitha veprimet që duhet të ndërmarrin shtetasit shqiptarë në mënyrë që të mos penalizohen për tejkalimin e afatit 90-ditor në zonën Shengen. Sipas njoftimit të Drejtorisë së Emigracionit dhe Kufijve të policisë greke, shtetasit shqiptarë që mbyllja e kufijve i gjeti brenda zonës Shengen, duhet të paraqiten në drejtoritë e emigracionit të drejtorive vendore të policisë, të shoqëruar prej personit, i cili do të marrë përsipër t’u sigurojë atyre banesën dhe shpenzimet e qëndrimit.

Personi i interesuar duhet të ketë me vete:

  1. Pasaportë të vlefshme

  2. Dy fotokopje të pasaportës

  3. Dy fotografi tip pasaporte

  4. Kërkesën për shtyrje afati të qëndrimit në zonën Shengen (plotësohet pranë sportelit)

  5. Deklaratë e personit që siguron strehim (plotësohet pranë sportelit)

  6. Lejen e qëndrimit dhe pasaportën, ose kartën greke të identitetit të personit që garanton shpenzimet.

  7. Vleren monetare prej 50 euro për ditë qëndrimi të personit të interesuar (vlera e parave vetëm tregohet dhe nuk përbën garanci dhe nuk mbahet në asnjë rrethanë prej autoriteteve).

  8. Dokument që vërteton vendin e banimit të garantuesit (fletën e zyrës së financës E3).

  9. Sigurim shëndeti në udhëtim (pranohet edhe në email).

  10. Një numër telefoni ose email për kontakt emergjence.

Sipas policisë të gjitha rastet verifikohen një nga një ndërsa personi i interesuar njoftohet prej autoriteve direkt ose brenda 24 orëve për ecurinë e kërkesës së tij. Ndërkohë, autoritetet greke besojnë se ndodhen të izoluar dhe pa mundësi të largohen, më shumë se 5000 shtetas shqiptarë.

Ditët e fundit janë riatdhesuar dhjetëra shqiptarë që kanë kthyer nga Greqi. Disa falë ndihmës së biznesmenëve, ndërsa të tjerët me shpenzimet e tyre.