Inter zyrtarizoi Conten, tifozët zikaltër tërbohen nga ky detaj

---

Antonio Conte është zyrtarisht trajneri i ri i Interit, të cilin e prezantuan sot në orët e para të mëngjesit me një njoftim në faqen zyrtare të klubit në internet dhe rrjetet sociale. Për tifozët zikaltër ka qenë një e vërtetë që e prisnin nga momenti në moment, por jo në 6:00 të mëngjesit, kur sapo kanë hapur sytë janë ndeshur me këtë lajm të rëndësishëm, që për ta besuar iu është dashur të fërkojnë një herë sytë. E gjithë prapaskena e orës së zyrtarizimit të trajnerit të ri lidhet me aspektin e marketingut. Duke qenë se klubi zikaltër po zgjerohen në Azi, u përzgjodh ora 6:00 e mëngjesit në Europë për të bërë njoftimin zyrtar, që korrespondon me orën 12:00 në Kinë. Kjo nuk iu ka pëlqyer tifozëve të Inter, që mesa duket nuk iu ka pëlqyer kjo mënyrë prezantimi. “Çfarë nxitimi çuna...Në 6:25 unë mendoj vetëm për kroasant dhe kapuçin”, shkroi një tifoz, duke bërë ironi me klubin zikaltër.

? | UFFICIALE Antonio Conte sarà il nuovo allenatore dell’Inter!#WelcomeAntonio pic.twitter.com/AtklPrKlkX

— Inter (@Inter) May 31, 2019