TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shënohet incidenti i parë në Arenën Kombëtare “Air Albania”. Gjatë ceremonisë së hapjes së këtij stadiumi, një pjesë e tifozëve kanë shpërthyer në britma "Rama IK". Kjo thirrje është përhapur më pas thuajse në të gjithë stadiumin, duke i prishur kryeministrit të gjithë propagandën e ndërtuar me kujdes mbrëmjen e sotme.
Stadiumi i ri, është mbushur i gjithi mbrëmjen e sotme, për ndeshjen Shqpëri-Francë.
Nuk kanë munguar as incidentet, kur një prej impjanteve të ujitjes së fushës, është kthyer nga tifozët, duke i lagur ata.
Shembja e Stadiumit Qemal Stafa dhe ndërtimi i këtij stadiumi me PPP dhe një kosto të larta, ka shkaktuar debate të shumta në vend, por kritikët u injoruan plotësisht. Gjithashtu, vendosja e emrit "Air Albania", solli shumë reagime, për shkak se kjo kompani është e sapo krijuar.
Megjithatë, kryeministri Edi Rama e ka promovuar stadiumin si një punë të madhe të Rilindjes së tij. Ndërsa, opozita ka kritikuar ashpër, për shkak të kostos së lartë dhe kullës që i qëndron mbi krye.
VIDEO:
/TPZ.al/
