TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Agron Shehaj, biznesmeni dhe deputeti i PD, ka qenë i ftuar mbrëmjen e sotme në emisionin “Zonë e Lirë”, prej nga ku ka folur për çështje të ndryshme të aktualitetit dhe disa detaje nga jeta private.
Në një moment në studio është hapur tema e ndërtimit të Unazës së Madhe, një projekt që për 2 km rrugë do të kushtojë 40 milion euro, para me të cilat Shehaj tha se mund të ndërtohet shumë mirë aeroporti i Vlorës.
“Me 40 milion euro mund të bëhet aeroporti i Vlorës dhe qyteti do të mbushet me turistë”, është shprehur Shehaj.
“A i ke aq para në llogarinë tënde? Sepse në media është spekuluar shumë, thuhet se ke kaq para”, e ka pyetur Çani deputetin.
“Mund të jetë e vërtetë pak a shumë, unë i kam deklaruar gjërat”, u përgjigj Shehaj.
“40 milion euro janë shumë?”, e pyeti Çani. “Janë shumë fare, sidomos në një vend të varfër si Shqipëria”, përfundoi deputeti.
