TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Spektakël, gola dhe emocione të forta në stadiumin “Wembley”. Deri 12 minuta përpara fundit të ndeshjes, Kroacia ishte në vendin e parë në grupin 4 të Ligës së Kombeve, falë golit të shënuar nga Andrej Kramariç në minutën e 57. Një gol fantastik i sulmuesit të Hofenhajmit, i cili pasi bën çtë dojë në zonën e Anglisë, godet me të djathtën duke gjetur golin.
Lingard barazoi ndeshjen në minutën e 78 pas një pasimi të Kejn, duke çuar në festë tifozët e pranishëm dhe… Spanjën! Një barazim në këtë sfidë kualifikonte më tej kombëtaren iberike, por Herri Kejn nuk e kishte thënë akoma fjalën e fundit.
Sulmuesi i Totenhemit shënoi në minutën e 85, duke kthyer rezultatin dhe dërguar Anglinë në krye të grupit. Krosim i Çiluell nga e majta, pasiguri e mbrojtjes kroate dhe Kejn nuk fal nga brenda zonës.
Një hakmarrje e vogël për djemtë e Southgejt, të cilët u eliminuan nga kroatët në gjysmëfinalen e kupës së botës. Kombëtarja e “Tre Luanëve” e mbyll grupin në vendin e parë me 7 pikë, ndjekur nga Spanja me 6 pikë, ndërsa nënkampionët e botës e mbyllin në vend të tretë dhe të fundit me 4 pikë.
Angli-Kroaci 2-1
(Lingard 78′, Kejn 85′ / Kramariç 57′)
