TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një ngjarje e rëndë ka ndodhur në Borsh të Sarandës.
Sipas “BalkanWeb”, pesë turistë spanjollë, të cilët kishin ardhur me Jaht nga Saranda janë goditur me grushte nga pronarët e një lokali. Mësohet se fillimisht turistët kanë hyrë në ambientet e këtij lokali, por nuk kanë pëlqyer shërbimin e ofruar dhe më pas janë ngritur për t’u larguar.
Ky moment ka bërë që pronarët e lokalit të ndjekin nga pas furgonin e turistëve, ndërsa kanë goditur fizikisht drejtuesin e mjetit së bashku me pesë turistët spanjollë.
Në konflikt e sipër, pronarët e lokalit kanë nxjerrë edhe armët e ftohta për të goditur turistët si dhe kanë thyer xhamin e furgonit, i cili po i shoqëronte ato.
Brenda furgonit ndodheshin shtatë persona, prej të cilëve pesë spanjollë, shoferi dhe shoqëruesi i turistëve. Aktualisht forca të shumta të policisë së Himarës, Sarandës dhe FNSH janë vënë ne ndjekje të autorëve dhe po punohet për kapjen e tyre.
