TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Volkswagen është duke u përgatitur të pezullojë prodhimin në të gjithë Evropën, pasi kontinenti lufton të përmbajë pandeminë e koronavirusit.
Gjigandi gjerman i automobilave tha të martën se prodhimi në fabrikat në Spanjë, Setubal në Portugali dhe Bratislava në Sllovaki do të ndalet në fund të javës. Gjithashtu Lamborghini dhe Ducati me fabrikat e tyre ne Itali do të ndalojnë prodhimin.
Shumica e kompanive të tjera gjermane dhe evropiane po përgatiten të pezullojnë prodhimin, me siguri për dy javë, u tha drejtori i përgjithshëm i Volkswagen (VLKAF) Herbert Diess para gazetarëve të martën.
"Duke pasur parasysh përkeqësimin aktual të situatës, prodhimi do të pezullohet në të ardhmen e afërt në fabrikat që operohen nga markat e grupit," tha Diess.
Volkswagen, i cili zotëron gjithashtu marka përfshirë Skoda, Audi, Porsche dhe Bugatti, shpërndau 10.8 milion automjete për klientët në vitin 2019, më shumë se çdo kompani tjetër. Afërsisht 44% e 668,000 punonjësve të këtij grupi jetojnë në Gjermani, ku kompania është një forcë udhëheqëse në sektorin e madh prodhues të vendit. /TPZ.AL/
