TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Adelajda Xhamani, një nga ish-banoret më të njohura të Big Brother është gjetur e vdekur sot në banesë në Tiranë.
Burime spitalore konfirmuan për DITA se trupi i vajzës gjendet në morg ku janë mbledhur edhe familjarët.
Nuk dihen ende shkaqet e vdekjes.
Adelajda, e cila u bë e famshme për shkak të thyerjes së tabuve të kohës, aktualisht punonte në kanalin televiziv News 24.
Policia tha per DITA se 31-vjeçarja pa jetë është gjetur nga shoqja e saj e ngushtë, ndërsa ka tentuar t’i jepet ndihma e parë.
Adelajda mbahet mend për tabunë që theu duke lënë Kavajën dhe të fejuarin e saj.
Ish-mësuesja asokohe 23 vjeçare hyri në Big Brother se donte të ndryshonte jetën e saj dhe nuk donte të jetonte në Kavajë.
Ka qenë një nga personazhet më të dashura për publikun, në kohën kur reality të tilla si BB nuk ishin ato që janë sot.
Njoftimi i policisë:
Më datë 29.10.2017, rreth orës 05:10, në rrugën e Thesarit, është gjetur e vdekur në banesën e saj, shtetasia Adelajda Xhamani, 31 vjeç, e cila jetonte vetëm.
Nuk ka shenja dhune. Shtetasia e mësipërme vuante nga epilepsia.
Pritet vendimi i mjekut ligjor.
