FOTO+VIDEO/ Përgjaken Pashkët në Sri Lanka, 100 të vdekur dhe 200 të plagosur

---

Të paktën 100 njerëz raportohen të jenë vrarë dhe më shumë se 200 të tjerë janë plagosur nga shpërthimet në kisha dhe hotele në Sri Lanka. BBC shkruan se janë raportuar të paktën gjashtë shpërthime. Tre shpërthime në Kochchikade, Negombo dhe Batticaloa u shënuan gjatë shërbesës së Pashkëve. Shangri La, Cinnamon Grand dhe Kingsbury, të gjitha në Colombo, u goditën gjithashtu. Dita e Pashkës është një nga festa të mëdha në kalendarin e krishterë. Imazhet në mediat sociale treguan brenda një prej kishave, gjak në pllakat e dyshemesë si dhe tavane të shkatërruara. Mediat e Sri Lankës raportojnë se midis viktimave mund të jenë edhe turistë të huaj. Disa media thonë se numri i të vdekur mund të jetë më i lartë dhe burim spitalor në Batticaloa i tha BBC se numri i të vdekurve atje mund të jetë 27. [caption id="attachment_241270" align="alignnone" width="579"] Nga ana tjetër, Reuters citoi një burim policor të thoshte se më shumë se 50 vetë vdiqën vetëm në Negombo.[/caption] Ministri i qeverisë Mano Ganeshan, në vendin e një shpërthimi në Kolombo, shprehu tronditjen e tij ndaj sulmeve. Askush nuk ka marrë përsipër ende sulmet e përgjakshme.

Visuals from #ShangriLa #lka #SriLanka #EasterSundayAttacksLK #Colombo pic.twitter.com/T5mRSE7ppw

— Suchi Soundlover (@suchiseetharam) April 21, 2019