TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një emigrante shqiptare është mbytur në plazhin e Metapontos në provincën e Matteras.
Shqiptarja e identifikuar Fatjona Kalimi 26 vjeç e nënë e 2 fëmijëve humbi jetën ndërsa po lahej në detin Jon së bashku me vajzën e saj 6 vjeçe.
Plazhistët kanë parë nënën shqiptare në vështirësi në ujë dhe roja bregdetare është zhytur menjëherë për ta ndihmuar së bashku me një nënoficer policie i cili ndodhej aty me pushime.
Tentativat për ta rianimuar së bashku me urgjencën mjekësore që mbërriti në plazh nuk mundën ti shpëtojnë jetën emigrantes shqiptare. Një problem shëndetësor e ka goditur 26 vjeçaren në ujë duke i marrë dhe jetën.
Në momentin e tragjedisë Fatjona Kalimi po lahej në det së bashku me vajzën 6 vjeçare e cila më ato çaste u vu në rrezik mbytjeje.
Pas kurimit në spital fatmirësisht gjendja e vogëlushes është drejt stabilizimit.
Dhjetëra raste mbytjeje janë regjistruar këtë verë në bregdetin italian, ndërsa rekordin e fatkeqësive në ujë e mban provinca e Salentos.
