TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Franck Kessie është bërë një nga protagonistët e merkatos së futbollit italian këtë të shtunë, duke marrë një vendim të papritur për të ardhmen e tij.
Mesfushori nga Bregu i Fildishtë, i cili ishte shumë pranë transferimit te Juventusi, në fund ka refuzuar ofertën e klubit bardhezi për shkak të mosmarrëveshjeve rreth bonuseve. Kessie ka zgjedhur të rikthehet te Atalanta, skuadra ku u formua dhe u bë i njohur në futbollin europian.
Kessie u bashkua me akademinë e Atalantës dhe debutoi me ekipin e parë në Serie A në sezonin 2016/17, duke zhvilluar 31 ndeshje, ku shënoi 7 gola dhe dha 4 asistime. Pas asaj aventure, ai u transferua te Milani.
Atalanta e kishte paralajmëruar rikthimin e tij me një postim misterioz në rrjetet sociale, ku shfaqej një person me shpinë dhe numri 19, fanella që Kessie mbante gjatë periudhës së parë në Bergamo.
Pak minuta më vonë, klubi zbuloi identitetin e tij, duke zyrtarizuar rikthimin e mesfushorit me mesazhin: “Histori pa fund, Franck u kthye.”
Rikthimi i Kessie konsiderohet një tjetër lëvizje e rëndësishme e Atalantës në merkato, me mesfushorin që pritet t’i japë skuadrës forcë dhe eksperiencë në repartin e mesfushës.
