TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Arrestohet drejtuesit i mjetit që dyshohet se shkaktoi aksidentin me një të vdekur dje në Mullet.
Ngjarja ndodhi mbrëmjen e djeshme në rrugën e Fikasit në Mullet të Tiranës.
Burime zyrtare bënë me dije se në pranga ra drejtuesi i mjetit, shtetasi me inicialet L. R., 32 vjeç, i cili akuzohet se pas aksidentit u largua nga vendi i ngjarjes, duke lënë pasagjerin e pajetë në makinë.
Njoftimi i policisë:
Në vijim të informacionit të dhënë mbi aksidentin e ndodhur në Mullet, me datë 30.07.2021, me pasojë humbjen e jetës së pasagjerit O. S., nga specialistët e Qarkullimit Rrugor u bë arrestimi në flagrancë për veprat penale “Shkelja e rregullave të qarkullimit rrugor” dhe “Largim nga vendi i aksidentit“, i shtetasit L. R., 32 vjeç, i dënuar më parë për veprën penale “Mbajtja pa leje dhe prodhimi i armëve, armëve shpërthyese dhe i municionit”.
