TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia belge ka arrestuar të premten një praktikante në selinë strategjike të NATO-s për Operacionet e Fuqive Aleate në Evropë (SHAPE), nën dyshimin se “spiunonte në emër të një vendi të tretë dhe se ishte anëtare e një organizate kriminale”.
Lajmi është bërë i ditur nga Zyra e Prokurorit Federal Belg, e cila përmes një deklarate të publikuar të shtunën njoftoi se hetimet ndaj saj janë në vijim.
Praktikantja, një shtetase kanadeze me origjinë kineze, kishte “rënë në vëmendjen” e shërbimeve të sigurisë së SHAPE, komandës strategjike të NATO-s për operacionet, e vendosur në Mons të Belgjikës.
Sipas autoriteteve belge, kontrolle janë kryer në banesën dhe zyrën e saj të enjten.
Prokurorët belgë nuk kanë dhënë detaje të tjera mbi natyrën e dyshimeve ndaj gruas, ndërsa hetimet vijojnë për të sqaruar rrethanat dhe rolin e saj të mundshëm në aktivitetet e dyshuara.
