TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Partia Demokratike denoncoi sot përzgjedhjen sipas saj të drejtorëve të shkollave nga kryetarët e Partisë Socialiste.
Ish-deputeti i PD, Luçiano Boçi shkruan se konkurset bëhen fiktivisht dhe se rilindja kërkon fare hapur të sanksionojë politikisht në drejtim të institucioneve arsimore njerëzit e saj të thekur.
“Kamikazët, sidomos në arsim, duken të domosdoshëm. Këta mund të kërcënojnë, detyrojnë e dhunojnë hapur mësuesit e nxënësit për votën”, shkruan Boçi.
Boçi thotë më tej se në Librazhd, për ZA-në atje, anëtare e komisionit të “konkursit” është dhe kryetarja e PS, E. Poçi që sipas tij ka ardhur me letër të posaçme nga partia (Bashkia).
POSTIMI:
KRYETARJA E PS EMËRON DREJTORËT E SHKOLLAVE “ME KONKURS”
Nuk mjaftoi që prej 2013 pjesa më e madhe e drejtorëve të shkollave, në shkelje flagrante e me çdo ligj e moral, ishin të komanduar.
Pasi shpikën “Shkollën e partisë së drejtorëve”, tani rilindja kërkon fare hapur të realizojë pseudo-konkurse, për të sanksionuar politikisht në drejtim të institucioneve arsimore njerëzit e saj të thekur.
Fushata pothuaj ka filluar dhe kamikazët, sidomos në arsim, duken të domosdoshëm.
Këta mund të kërcënojnë, detyrojnë e dhunojnë hapur mësuesit e nxënësit për votën.
Pa pasur as turp, as stepje se po degradojnë më shumë arsimin, komisionet e konkurseve diktohen me urdhër të pastër politik.
Në Librazhd, për ZA-në atje, anëtare e komisionit të “konkursit” është dhe kryetarja e PS, E. Poçi. Ka ardhur me letër të posaçme nga partia (Bashkia).
A thua është konkurim për kryetar grup seksioni partie!?
Kryetarja e PS e komisionit për drejtorë, patjetër nuk harron t’i përcjellë komisionit direktivat e shokut Taulant!
E mendoni tani se çfarë drejtësie ka aty, kur çdo anëtar komisioni sheh me sy nga kryetarja e PS për çdo mendim e votë?!
A mos vallë pritet të emërohen më të mirët apo më të aftët?! As mos e mendoni.
Nëse nuk është militant, shkallën e angazhimit të cilës e cakton kryetarja e partisë, nuk ka shanse.
Që do ishin politike këto pseudo-konkurse për drejtorë kjo dihej, por ta kishin bërë pak me lezet të paktën.
Mirë që janë arrogantë, harbutë dhe dhunues të ligjit, por janë dhe banalë dhe të pacipë.