TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Vijon të jetë e mistershme vdekja e 36-vjeçares, Margarita Keci në spitalin e Durrësit.
Në lidhje me këtë ngjarje policia ka njoftuar se ka proceduar penalisht dy mjekë, të qendrës shëndetësore në Shijak dhe Urgjencës mjekësore në Durrës.
Drejtoresha e qendrës shëndetësore të Shijakut, Jonida Çeliku ka dhënë detaje për Abc News lidhur me ngjarjen.
Ajo shpjegon se 36-vjeçarja është vizituar nga mjekja e familjes në orën 08:00 të mëngjesit, më pas ka ardhur në shërbimin e urgjencës rreth orës 19:00 dhe në një kohë të shpejtë ka marrë shërbimin.
Pasi gjendja e saj nuk është përmirësua, ajo është dërguar në spitalin e Durrësit, me makinë private, pasi familjarët kanë refuzuar autoambulancën e ofruar nga qendra shëndetësore.
Më tej, mjekja thotë se e ndjera ka ardhur vetëm me problemin e gastritit akut.
Megjithatë, ende nuk dihet shkaku i vdēkjes dhe do të jetë autopsia që do ta përcaktojë.
“Të dy mjekët kanë dhënë mjekimin e duhur kundrejt të ndjerës, kanë respektuar protokollin mjekësor të listës së barnave.
Është vizituar nga mjekja e familjes në orën 08:00 të mëngjesit, më pas ka ardhur në shërbimin e urgjencës rreth orës 19:00 dhe në një kohë të shpejtë ka marrë shërbimin.
Gjendja e pacientes nuk është përmirësuar dhe ka kërkuar dihej mjekësore për transportimin në spitalin e Durrësit.
I është ofruar familjarëve autoambulanca dhe për çështje kohe familjarët kanë refuzuar ambulancën. Edhe thirrjet që i janë bërë nëpërmjet mjekut me autoambulancën janë në telefonin e mjekut.
Ajo është dërguar me makinë private. Ne kartelën e mjekës nuk paraqitet ashja konkrete.
E ndjera ka ardhur vetëm me problemin e gastritit akut, ku është diagnostikuar vetëm me këtë nga të dy mjekët.
Por, realisht nuk mund të themi shkakun e vdekjes, deri në pritjen e autopsisë”, deklaroi mjekja.