SPORT, 9 Dhjetor 2017, 08:53

Dikur luante me Milanin, sot Gilardino bëhet “hero” në Serinë B

Dikur luante me Milanin, sot Gilardino bëhet “hero” në

Alberto Gilardino nuk di të ndalet! Ish-kampioni i botës me Italinë, dje i ka dhënë fitoren skuadrës së tij, Spezia-s në takimin kundër Foggia-s.

Ndeshja e vlefshme për javën e 18-të të Serisë B përfundoi 1-0 për Spezia-n, pikërisht pas golit të shënuar nga Gilardino në minutën e 31-të.

Ky ishte goli i dytë për Alberto Gilardino-n me Spezia-n në kampionat.

Ish-sulmuesi i Milan-it, tashmë në moshën 35-vjeçare ka zgjedhur të luajë në Serinë B, pikërisht me Spezia-n që renditet në mesin e tabelës.