TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Armando Broja ka dhënë menjëherë sinjalet e para pozitive në nisjen e sezonit të ri në Championship me fanellën e Bërnlit.
Sulmuesi shqiptar e nisi ndeshjen nga stoli në përballjen ndaj Uest Hemit, por aktivizimi i tij në minutën e 76-të ndryshoi ritmin e takimit. Bërnli ishte duke humbur 0-2 dhe dukej se miqtë e kishin ndeshjen nën kontroll.
Pak minuta pas hyrjes në fushë, Broja u bë protagonist në aksionin që solli penalltinë për Bërnlin. Pasimi i sulmuesit shqiptar krijoi mundësinë që çoi te 11-metërshi, ndërsa Fleming u tregua i saktë nga pika e bardhë dhe ngushtoi diferencën.
Pas golit pati edhe tension në fushë, me një përplasje mes lojtarëve ku u përfshi edhe Broja.
Drama vazhdoi deri në fund. Në minutat shtesë, Fleming shënoi sërish dhe i dha Bërnlit një barazim 2-2, rezultat që për mënyrën se si u zhvillua ndeshja mund të konsiderohet si një fitore morale për skuadrën e Brojës.
Paraqitja e sulmuesit kuqezi, edhe pse në pak minuta, i jep atij shpresë për të fituar më shumë hapësira në vazhdim të sezonit me trajnerin e ri.
