TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas humbjes ndaj Chelsea-t dhe dy barazimeve të regjistruara më herët, Milani ka gjetur fitoren e parë në miqësoret e verës, e cila ishte edhe e fundit para nisjes së sezonit në Serie A. “Djalli” e arriti këtë sukses duke mposhtur me përmbysje 4-2 Manchester United në Poloni.
Harry Maguire zhbllokoi shifrat për Manchester United, ndërsa Chukwueze barazoi rezultatin. Në fundin e pjesës së parë, Bruno Fernandes humbi një mundësi nga pika e bardhë e penalltisë.
Në pjesën e dytë, një gafë në mbrojtje i dha mundësinë United të shënonte golin e dytë me Dorgu. Më pas, Milan reagoi duke barazuar me Cisse. Në vijim, sulmuesi Goncalo Ramos, i ardhur për 80 milionë euro gjatë merkatos, shënoi golin e tij të parë me fanellën e Milanit, ndërsa shifrat përfundimtare i vulosi Loftus-Cheek.
Ky sukses ishte i pari edhe për trajnerin Amorim. Fitorja erdhi në një moment të vështirë për “Djallin”, pasi klubi ka vendosur të përjashtojë disa lojtarë, duke i nxjerrë në merkato.
Fitore mori edhe Bayern Munich në ndeshjen e Kupës Telecom, duke mposhtur 3-1 Leipzigun.
Në Allianz Arena, Luis Diaz zhbllokoi shifrat, ndërsa shqiptari Brajan Gruda barazoi përkohësisht rezultatin. Në pjesën e dytë, Broën dhe Musiala i dhanë fitoren Bayern Munichut, por ky i fundit shkaktoi panik në fushë.
Pas golit, Musiala u rrëzua në fushë pa pasur kontakt me kundërshtarin, duke shkaktuar shqetësim në stadium. Megjithatë, pas marrjes së kujdesit mjekësor, gjermani u largua nga fusha pa ndihmën e barelës. Mediat gjermane raportojnë se futbollisti pësoi gjendje të fikti për shkak të vapës dhe ritmit të lartë të ndeshjes.
Ndërkohë, Chelsea vijon me fitoret në miqësoret e verës. Një javë para nisjes së kampionatit, londinezët mposhtën 3-1 Real Sociedadin.
Aramburu barazoi përkohësisht golin e Rogers, i cili është blerë për 137 milionë euro nga londinezët gjatë kësaj merkatoje vere. Me këtë rezultat u mbyll pjesa e parë, ndërsa në të dytën, i përhershmi Joao Pedro vulosi fitoren për ekipin e drejtuar nga Xabi Alonso.
