TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Të tjera detaje kanë dalë pës mbytjes së anijes me emigrantë në Pylos të Greqisë pak ditë më parë, ku humbën jetën dhjetëra persona dhe qindra të tjerë rezultojnë të zhdukur.
Mediat greke bëjnë me dije se në anije, në momentin e incidentit, ndodhi edhe një tjetër incident i përgjakshëm, ku gjshtë persona mbetën të vdekur pas goditjeve me thikë.
Sipas informacioneve, nga deklarimet e personave të shpëtuar pranë autoriteteve portuale, bëhet me dije se kjo ka ndodhur para se të hynin në zonën greke të kërkim-shpëtimit, në ujërat territoriale ndërkombëtare. Megjithatë, nuk është e qartë nëse incidenti ka ndodhur mes trafikantëve dhe emigrantëve apo mes grupeve rivale të emigrantëve.
Regjistrimet tregojnë gjithashtu se anija fatkeqe e peshkimit, e cila deri më tani ka vrarë 78 persona (104 të tjerë janë shpëtuar), u prish pesë herë gjatë udhëtimit. Dy herë ndërsa kishte dalë nga brigjet e Libisë dhe para se të hynte në zonën greke të kërkim-shpëtimit dhe tre herë të tjera brenda saj.
Pas dy avarive të para, disa prej emigrantëve kërkuan të ktheheshin në Tobruk, por kjo nuk u pranua nga trafikantët, të cilët kishin urdhër të qartë për ta çuar varkën në Itali. Sipas të njëjtave deklarata pranë autoriteteve portuale, në anije ka mbizotëruar “një gjendje ushtarake”, ku personat në bord janë trajtuar ashpër, ndërsa të mbijetuarit thonë se njëri prej trafikantëve ka ecur me shkop dhe ka rrahur emigrantët që protestonin për kushtet çnjerëzore. Ata thanë gjithashtu se edhe për pak ujë duhej të paguanin.
Sa i përket pretendimeve se anija e Rojës Bregdetare fundosi anijen gjatë tërheqjes, burimet e Rojës Bregdetare theksuan se asnjë nga 11 të mbijetuarit që dëshmuan për herë të parë, nuk tha se Roja Bregdetare ishte e përfshirë në aksident.
Siç thonë ata, denoncimi është bërë në një deklaratë të mëvonshme nga një tjetër i mbijetuar, duke lënë të kuptohet se ndoshta ka pasur ndërhyrje nga jashtë, për të pretenduar një gjë të tillë.
Nëntë trafikantët e arrestuar do të dalin para prokurorit të hënën. Ata pritet të kërkojnë një afat për të kërkuar falje, duke duke thënë se kanë pamundësi për të kontaktuar avokatët që morën mbrojtjen e tyre gjatë fundjavës.
Mësohet gjithashtu se shkaqet e mbytjes së anijes do të hetohen nga një komitet i BE-së, i cili do të kërkojë të gjitha bisedat e regjistruara mes Qendrës së Përbashkët të Kërkim Shpëtimit me rojet e portit që veprojnë në vendngjarje, si dhe me anijet që lundrojnë aty. Gjithashtu do të kërkohet i gjithë materiali audio-vizual.
