TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Qeveria spanjolle ka miratuar një dekret që autorizon kanabisin për përdorime terapeutike, që do të thotë se mund të jepen nga një mjek me recetë, shkruan ilpost.it.
Kanabisi dhe ilaçet e derivuara nga kërpi nuk mund të jepen me recetë nga mjekët e përgjithshëm, por nga specialistët në kushtet dhe terapitë për të cilat ato përdoren.
Dekreti nuk specifikon listën e rasteve klinike në të cilat mund të përshkruhet, por kjo do të përpilohet gjatë tre muajve të ardhshëm nga agjencia e Ministrisë spanjolle të Shëndetësisë, përgjegjëse për barnat dhe produktet shëndetësore.
Përdorimi i kanabisit mjekësor do të lejohet ekskluzivisht në spitale, të cilat do të jenë gjithashtu të vetmet objekte që e japin atë (nuk do të jetë i disponueshëm në farmaci).
Për më tepër, dekreti e autorizon atë vetëm “kur trajtimet konvencionale dështojnë”.
Posedimi i kanabisit është dekriminalizuar në Spanjë, megjithëse ligjet ndryshojnë midis komuniteteve të ndryshme autonome.
Në Katalonjë, sipas një rregulloreje lokale të diskutueshme, është e mundur të konsumohet dhe kultivohet brenda klubeve.
Në Itali, kanabisi për përdorim terapeutik është i ligjshëm që nga viti 2006, por është i vështirë për t’u siguruar dhe shumë i shtrenjtë.
