TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Qeveria britanike po "shkërmoqet" dhe Boris Johnson është në telashe serioze.
Pas largimit të dy ministrave ditën e djeshme, sot ka patur tetë dorëheqje të tjera në seri në rang ministrash dhe dhjetëra zyrtarë të tjerë, duke shtuar presionin mbi kryeministrin që të dorëhiqet.
Konkretisht janë larguar Julia Lopez, Ministre Kulture, Lee Rowley, Ministër i Biznesit, Alex Burrghart, Ministër i Edukimit, Kemi Badenoch, Ministre e Qeverisjes Lokale, Neil O'Brien, Ministër i Departamentit "Levelling up" dhe Mims Davies, Ministre e Punësimit, Rachel Maclean, Ministre e Mirëqenies dhe Mike Freer, Ministër i Tregëtisë.
Ditën e djeshme dhanë dorëheqjen Sajid Javid, Ministër i Shëndetësisë dhe Kancelari Rishi Sunak.
Numri i total i ministrave dhe ndihmësve të tyre që janë dorëhequr deri tani është 38.
Paraditen e sotme Johnson u përball me debate shumë të forta me kreun e opozitës, gjatë seancës së pyetjeve në Parlament, ndërkohë që edhe ish ministri i Shëndetësisë, Sajid Javid mbajti deklaratën e dorëheqjes duke shpjeguar se nuk ka më besim tek lidershipi dhe se nëse nuk ka ndryshim në lidership, gjërat nuk mund të ndryshojnë.
Johnson u përball para pak kohësh me një mocion mosbesimi nga partia e tij, por arriti të siguronte mbështetje për të qëndruar. Megjithatë, një skandal i fundit duket se i ka tronditur në mënyrë të pakthyeshme pozitat e kryeministrit.
Bëhet fjalë për një skandal me deputetin Chris Pincher, gjithashtu "deputy chief whip" i konservatorëve, pozicion i ngjashëm me atë të kreut të grupit parlamentar në Shqipëri, i cili dyshohet për ngacmim seksual ndaj dy burrave. Boris Johnson ka qenë nën presion për të treguar se a ka patur dijeni për akuza të ngjashme në të shkuarën lidhur me Pincher, përpara se ta emëronte. Njerëz pranë Johnson sugjeruan fillimisht se kryeministri nuk ka patur dijeni, por më pas versioni i Johnson ndryshoi, duke e pranuar se ishte vënë në dijeni për akuza edhe para emërimit.
