TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Drejtoresha e bankës qendrore të Rusisë ka kërkuar te jepte dorëheqjen nga posti i saj prej disa javësh por presidenti rus Vladimir Putin e ka refuzuar kërkesën.
Elvira Nabiullina, e cila ka punuar ngushtë me Putinin për të formësuar politikën ekonomike të Rusisë për më shumë se dy dekada, u përpoq të largohej menjëherë pasi Kremlini urdhëroi pushtimin e Ukrainës.
Por Putin e bllokoi lëvizjen e saj dhe Nabiullina u emërua javën e kaluar për një mandat tjetër pesë-vjeçar në krye të bankës qendrore të Rusisë, shkruan Bloomberg.
Teksa pikëpamjet aktuale të Nabiullinës për luftën janë të paqarta, sanksionet e vendosura nga SHBA dhe vende të tjera kanë gjymtuar ekonominë ruse, kanë shkaktuar rënien e vlerës së rublës dhe e kanë vënë Rusinë në rrezik për të mos përmbushur detyrimet e saj të borxhit.
Çdo përpjekje e ardhshme nga Nabiullina për të lënë rolin e saj do të shihej si një tradhti ndaj Putinit, i cili është nën presion të jashtëzakonshëm ndërkombëtar për të ndalur pushtimin.
